«الاختيار 3».. وزير الدفاع لـ”المعزول“: خرَّجوا الجيش من خناقة السياسة

أكد الفريق أول عبد الفتاح السيسي، وزير الدفاع، خلال لقاء جمع بينه وبين الرئيس المعزول محمد مرسي بتاريخ 5 فبراير 2013، أنه لن يقبل بإهانة الجيش المصري.

وضمن أحداث الحلقة الـ 13 من مسلسل «الاختيار3» يضيف وزير الدفاع مشددًا على كرامة الجيش ومطالبًا بضرورة خروجه من أي خناقات سياسية، ويضيف: «سيادة الرئيس، إحنا اتكلمنا كتير في الموضوع ده لكن واضح إننا محتاجين نتكلم فيه تاني، المساس بالقوات المسلحة أمر غير مقبول، ولن يكون مقبول بأي شكل، القوات المسلحة التزمت طول الفترة اللي فاتت بالبعد عن المشهد السياسي سواء كان النظام أو المعارضة، ياريت تخرجوا الجيش من الخناقة دي، الجيش المصري جيش وطني عظيم وصلب، وصلابته جاية من شرفه، إحنا نستحمل الحديد ونستحمل النار لكن ننخدش من الكلمة، والإهانة في العسكرية هي إساءة للكبرياء الوطني لا نستحملها، إحنا تحملنا كتير جدًا طول السنتين اللي فاتوا، لأننا مش بنشوف إلا مصلحة البلد والمصلحة العليا لكل المصريين».

ويستكمل: «رجاءً ابعدوا الجيش عن خنافة السياسة اللي بيحصل لازم يتوقف ودلوقتي، مفيش دولة محترمة جيشها بيتشتم، دا جيش مصر وأنا مش هسمح بإهانته».

مسلسل "الاختيار 3" تأليف هانى سرحان، وإخراج بيتر ميمى، إنتاج شركة سينرجي بطولة كل من: أحمد السقا وكريم عبد العزيز وأحمد عز وياسر جلال، وخالد الصاوى، صبرى فواز، جمال سليمان، محمد رياض، إيمان العاصى، هيدى كرم، سمر مرسى، نور محمود، خالد زكى، منى عبد الغنى، مفيد عاشور، نادية رشاد، أمير المصرى، محمود البزاوى.

مسلسل "الاختيار 3 – القرار" يعرض على قناة ON الساعة 9.30 مساءً والإعادة الساعة 4.20 صباحًا والساعة 3.25 مساءً، ويعرض على قناة ON دراما الساعة 11.20 مساءً ويعاد الساعة 6 صباحًا والساعة 10.30 صباحًا والساعة 4.40 مساءً.