«إنت نَكَستنا».. ”الغيطي“ يفتح النار على سيد عبد الحفيظ بعد الدكتوراه الوهمية.. فيديو
وجه الإعلامي محمد الغيطي، رسالة نارية للكابتن سيد عبدالحفيظ مدير فريق الكرة بالنادي الأهلي، بعد حصوله على دكتوراه وهمية.
وهاجم "الغيطي"، خلال تقديم برنامجه "تقدر مع الغيطي" المذاع على قناة الشمس، مساء الأربعاء، مدير الكرة بالنادي الأهلى قائلًا: "في صورة انتشرت سيد عبد الحفيظ بياخد دكتوراه فخرية.. أنا معرفش أنت روحت ليه أساسًا تقبل دكتوراه فخرية على إيه؟ على النكسة الكروية اللي في النادي الأهلي وعلى مواقفك القديمة اللي مش عايز أرجعلها".
وأضاف: "لكن في كل الأحوال موضوع الدكتوراه الفخرية أنا لا أقتنع به وشايفه نصباية كبيرة، أنت مشيت في سكة النصباية.. والدكتوراه بيطلع روح اللي خدها سنين طويلة وبيروح يقدم بحث علمي في بحث علمي وممكن يترفض ولجنة علمية تراجعه أنت حضرتك خدت دكتوراه في إيه.. أنت قدمت إيه أساسا للبلد ولا للكرة ولا الرياضة إنت نكستنا ونكست النادي بتاعنا".
