د. فتحي الشرقاوي يكتب: من وحي الدراما التلفزيونية
الى ...عظيمات مصر من السيدات والفتيات ،أين انتن ..
لا اسكت الله لكن حسا ⁉️
مش سامعين منكن لا حس ولا خبر، يارب يكون المانع خير.
يامن تدعين انكن سترونج انديبندنت وومان ،انا بس عاوز واحده منكن تجاوبني بصراحه...
ومش عاوز إجابات فيها لف ودوران..
اولا:
هل يرضيكِ راجل يبقى متجوز اكتر من واحده وقاعد لوحده سلطان زمانه في اوضه خاصة وكل واحدة من جواريه (مراتاته) تتسابق لكسب وده وتروح له الأوضة لكي تنعم بلقائة وطبعا معروف شكل ونوعية اللقاء هيكون ايه⁉️مش كيميا يعني
ثانيا.
هل يرضيكِ راجل يجمع ستاته ( مراتاته) قدامه في طابور زي الالف مفيش واحدة منهن تقدر تتنفس ولا تقوله( بم )ولا تلت التلاته كام بما فيهم أمه اللي مخلفاه⁉️
ثالثا:
هل يرضيكِ راجل يسهر في كبارية مع ساقطات وانتِ عارفه كده وبالعه في بؤقك شبشب وساكته علشان تشتري رضاه عليكِ⁉️
رابعا:
هل يرضيك راجل مابيعرفش طرق القانون لاسترداد حقه وعلى طول بياخد حقه بدراعه وكأنه عايش في غابه
انا عاوزك ايتها الاسترونج اندبيندنت وومان تشيلي كلمة راجل اللي في البوست دي..
وتستبديلها يكلمة (ابوكي)..(اخوكي)..(جوزك)...
هل تقبليها على نفسك أن تكوني زوجه لهذا الرجل أو اخت له أو ابنه له..هسيبلك حرية الاجابه...
لو قولتيلي..( اه ) (وايه يعني) (وايه اللي يمنع) يبقى لما تلاقي الراجل فينا استبد عليك كزوجه أو ابنه يبقى ياريت مانسمعش صوتك وتبقي زي الفرخه ولو قولتلي ( لا مايرضنيش) ( لأ مايصحش) يبقى ياريت تقولي للي بيضحكوا عليكن..احنا فاقسنكم وياريت بالمرة تسلمولي على المجلس القومي للمرأة..
