رد فعل صادم من شريف منير بعد إطلالة ابنته أسما بمهرجان القاهرة للدراما | شاهد
أثارت أسما شريف منير، جدلًا واسعًا خلال الساعات القليلة الماضية؛ بعد ظهورها فى حفل افتتاح مهرجان القاهرة للدراما فى دورته الثانية بالعلمين، لأول مرة بعد حلق شعرها زيرو، مرتدية فستانًا مكشوفًا وضعها فى مرمى الانتقادات.
وقام الفنان شريف منير بحذف ابنته أسما من حسابه بموقع تبادل الصور والفيديوهات إنستجرام، والذى اعتبره البعض اعتراضًا على ظهورها الأخير.
وقال الفنان شريف منير، خلال فيديو له عبر حسابه الخاص على إنستجرام، قائلًا: «ايه الدوشة اللى أنتوا عاملينها دي، وايه الضجة اللى انتوا عاملينها، كل ده عشان بنتي قصت شعرها قدام الكاميرا؟ إيه الغلط اللي هي عملته؟ تصرف عادي جدا مفيهوش أي حاجة، اوعوا تفتكروا إني ممكن أجي على بنتي عشان خاطر أكسب رضاكم، دي بنتي اللي مليش غيرها واللي بحبها».
وأضاف شريف منير: «وبالمناسبة اللوك اللي عملته عاجبني، وأنا مبسوط منها أوي، بس قبل الملايكة والصالحين اللى بيهاجموا وبيقولوا إنها بتعمل كده عشان التريند، وبيقولوا أبوها معرفش يربيها، لا أبوها رباها كويس أوي، وقبل ما تتكلموا بصوا على بيوتكم وأولادكم وعلى الناس اللى حواليكم قبل ما تنتقدوا وتغلطوا وتقولوا متربتش بتلاته تعريفة، أنا أب المفروض أحميها لكنها مسؤولة عن تصرفاتها».
وردت أسما شريف منير، على المنتقدين قائلة: إنها أحبت هذه الخطوة لأنها جريئة وتحتاج لقوة، وعلقت: «محدش يقدر يعمل كده»، وأوضحت أنها تفكر في قيامها بحلق شعرها لتقوم بحملة لدعم مرضى السرطان، لتزورهم في المستشفيات.
